Rok í Íslandi um makrelsemjuna

Í Íslandi er framvegis rok um makrelsemjuna, sum Ísland er við í.

Uttanríkisráðharrin ráðførdi seg ikki við uttanlandsnevndina hjá altinginum um semjuna.

Ísland, sum hevði 16,5 prosent, áðrenn semjan var gjørd, fór niður í 12,5 prosent í semjuni.

Eins og í Føroyum eigur ráðharrin at ráðføra seg við uttanlandsnevndina - hon eitur uttanrikisnevndin í altinginum - um týðandi uttanríkismál.

Bæði andstøðupolitikarar og fakfelagsfólk siga, at Ísland hevur slakað alt ov nógv í makrelsemjuni.

Makrelur og uppsjóvarvirki

Felagið hjá teimum í ES, sum fiska uppsjóvarfisk, hevur heitt á ES um alt fyri eitt at taka stig móti londununum í makrelsemjuni.

Hótta við tiltøkum

Sambært norska blaðnum Klassekampen sendi fiskivinnustjórin hjá ES norsku stjórnini eina hóttan um revsitiltøk, nú makrelsemjan er gjørd.

Íslendski uttanríkisráðharrin, Þorgerður Katrín Gunnarsdóttir, sigur við Morgunblaðið, at hon hevur ikki fingið slíka hóttan.    

Felagið hjá teimum í ES, sum fiska uppsjóvarfisk, hevur heitt á ES um alt fyri eitt at taka stig móti londununum í makrelsemjuni, tí tey hava ognað sær 80 prosent av heildarkvotuni.

Tey hava als ikki hugsað um ES ella Grønland. Og heldur ikki royna tey at forða fyri ránsveiðuni hjá Russlandi, sigur felagið.