Noreg og Russland samráðast enn um fiskiskap í Barentshavinum

Noreg og Russland samráðast enn um fiskiskapin í Barentshavinum næsta ár.

Øll seinasta vika var sett av til samráðingarnar, sum eru talgildar.

Men enn er einki úrslit, og samráðingarnar halda fram.

Ikki fyrr enn tær eru lidnar, sendir norska fiskimálaráðið tíðindaskriv.

Fyrr enn tá hevur tað onga viðmerking, segði tíðindatalsmaðurin, Emil Bremnes, við Fiskeribladet í gjár.

Bæði londini eru samd um, at alneyðugt er at varðveita samstarvið um at umsita fiskin og stýra fiskiskapinum í Barentshavinum.

Tað hevur verið í stívliga hálvthundrað ár. Tað byrjaði í 1974.