500 skjálvtar í Bárðabungu og Dyngjujøkuli

Tveir harðir jarðskjálvtar vórðu í Barðabungu og Dyngjujøkli í Íslandi í nátt. Annar skjálvtin var máldur til 5,3 á Ricther-stiganum, upplýsir Gunnar B. Guðmundsson, jarðfrøðingur á íslendska veðurstovninum. Skjálvtin var á 5.000 metra dýpi.

So harðir skjálvtar hava ikki verið máldir síðani 16. august.

Nógv virksemi er í skjálvtaøkinum. Frá midnátt til klokkan sjey í morgun vórðu umleið 500 skjálvtar í Bárðbungu og Dyngjujøkli.

Eitt kanningarlið hevur verið á flogi yvir jarðskjálvtaøkinum, men Magnus Tumi Guðmundsson, professari, sigur við íslendska kringvarpið, at í løtuni bendir einki á, at tað fer at goysa meiri.

Í gjár var tilbúgvingarstigið hækkað upp í reytt, tí eitt lítið gos var staðfest.

Les meira á RUV.IS - Mynd ruv.is