Færri ólógligir innflytarar í ES og Schengen-økinum

Talið av tilflytarum, sum koma ólógliga um landamørkini til ES og Schengen-økið, er minkað 26 prosent frá 2024 til 2025, vísir nýggj frágreiðing.

Nýggjasta Schengen-frágreiðingin hjá ES vísir eisini, at fleiri fólk uttan lógligan bústað verða send aftur hagar, tey komu.

Í fjør vórðu 28 prosent av umsøkjarum útvístir, sum ikki fingu friðskjól, og tað er tað mesta í tíggju ár.

32.000 fólk steðgað við markið

Nýggj skipan fyri at sleppa inn í Schengen-londini, Entry/Exit skipanin, stytt EES, sum varð sett í gildi í fjør heyst, hevur eisini havt við sær, at nógv fleiri fólk eru steðgað við markið enn áður.

Síðani EES varð sett í verk í oktober eru 32.000 fólk steðgað við markið.

Schengen-samstarvið fevnir um øll ES-londini, umframt EFTA-londini Norra, Ísland, Sveis og Liktinstein.

Føroyar er eisini partur av samstarvinum.