DR sigur útivið 200 fólkum úr starvi

<p>Tá starvsfólkini í DR møta til arbeiðis mikumorgunin, fáa 170-200 av teimum boð um, at tey verða søgd úr starvi sínum í DR, tí stovnurin skal spara, skrivar <a href="http://journalisten.dk/saadan-vil-dr-gennemfoere-sindet-dagen" target="_blank">journalisten.dk</a></p>

<p>Komandi fýra árini skal DR spara 161 milliónir krónur um árið. Stýrið fyri DR samtykti fyri tveimum vikum síðan eina spariætlan, har neyðugt eisini verður at spara í lønum.</p>

<p>- Hýrurin er í botni. Øll eru ótrygg, tí tey ikki vita, hvat fer at henda, og fólk mala um seg sjálvi, sigur Anne Serlev, forkvinna fyri bólkin av tíðindafólkum í DR, sambært journalisten.dk</p>

<p>Í 2010 vórðu 67 fólk í DR søgd úr starvi. Harumframt gjørdi stovnurin fráfaringaravtalur við 37 starvsfólk. Í dag eru umleið 2.700 fólk í føstum starvi í DR.</p>