Rópa varskó um ebola

Eydnast tað ikki at berja smittuna niður, kunnu 1,4 mió. fólk í Liberia og Sierra Leone verða smittað við deyðiligu ebola-sjúkuni í januar næsta ár

1,4 milliónir fólk í Liberia og Sierra Leone kunnu verða smittað við ebola-sjúkuni fyrst í 2015, eydnast tað ikki at berja smittuna niður

Mynd: AP

Bjarni Mohr

24.09.2014 - 09:04

Tað heldur amerikanski stovnurin fyri sjúkueftirlit og fyribyrging, CDC. Í greiningini sigur CDC, at millum 550.000 og 1,4 milliónir fólk kunnu verða smittað í teimum báðum londunum 20. januar.

Sambært heimsheilsustovninum, WHO, hevur ebola-sjúkan kravt 2811 mannalív í Sierra Leone, Guinea, Liberia og Nigeria. 5.864 fólk eru smittað.

SÍ EISINI <a href="http://kvf.fo/greinar/2014/09/03/laeknar-uttan-landamork-heimurin-tapir-...æknar uttan landamørk: Heimurin tapir ímóti ebola</a>

Serfrøðingar seta spurnartekin við greiningina hjá CDC, tí tølini, ið brúkt eru til greiningina, eru tríggjar vikur gomul. Síðani tá eru munandi stig tikin fyri at berja niður sjúkuna í Vesturafrika.

Myndugleikarnir í nøkrum afrikanskum londum settu herfyri útgonguforboð í gildi, í eini roynd at steðga spjaðingini av ebola-sjúkuni í teimum londunum, ið eru harðast rakt av sjúkuni.