Fleiri deyð flóttafolk tikin upp í Svartahavinum

Mynduleikarnir á staðnum siga, at 10 deyð fólk eru tikin upp, 30 fólk enn eru saknað, skriva Trend news.

Flestu av teimum deyðu eru børn, sigur ein blaðmaður hjá Hurriyet news.

- Tey vórui øll í bjargingarvestum, men tað vóru kroppar at síggja alla staðni, pinkubørn og børn. Vit tóku eini 15 til 20 fólk upp, sigur fiskimaðurin Kadir Sert, sum var á staðnum.

Eitt bjargingarskip og sjey smærri bátar vóru sendir á staðið, saman við eini tyrlu og einum liði av kavarum, skriva mynduleikarnir á staðnum. Frágreiðingin sigur einki um, hvussu nógv fólk vóru í bátinum.

Eitt umboð fyri skipafelagið GAC sigur í síni frágreiðing, at báturin var á veg til býin Constanta í Rumenia, tá hann, um trítíðina mánanáttina, hálvdist í Bosporussundinum

Vanliga ferðslan hjá flóttafólkum úr Miðeystri og Afrika, er um Turkaland til Evropa