SAS og Norwegian nýta plantuolju sum brennievni

Í gjár royndu flogfør hjá SAS og Norwegian á fyrsta sinni plantuolju sum brennievni, tá tey flugu innanlands í Noregi.

Royndin eydnaðist væl, og bæði flogfeløgini siga seg verða sinnað at nýta so nógv av plantuolju sum brennievni, sum tey kunnu í framtíðini.

Men tað er lættari sagt enn gjørt, tí plantuoljan til flogfør er væl dýrari enn vanliga oljan, og tí skulu stór tøk takast, áðrenn tað verður gerandiskostur, at flogfør av álvara fara at nýta plantuolju sum brennievni.

Hava tøknina

Tøknin er fingin til vega, og flogførini kunnu nýta plantuolju sum brennievni, men neyðugt er at tann parturin verður munandi bíligari enn í dag, um verulig gongd skal koma á royndirnar.

Skal plantuolja nýtast sum brennievni í flogførum, er neyðugt at politisk stig verða tikin til at fáa flogførini at nýta plantuolju.

Í gjár fleyg flogfarið hjá SAS við gamlari amerikanskari matolju, sum var 48 prosent av brennievninum. Flogfarið fleyg úr Tróndheimi til Oslo.

Samstundis fleyg eitt flogfar hjá Norwegian úr Oslo til Bergen við sama brennievni.