Kanna eldsbrunan í mosku í Svøríki jóladag

Svenska løgreglan hevur fáar slóðir at elta eftir eldin, sum varð settur á eina mosku í Eskilstuna vestan fyri Stokkhólm í gjár.

Málið verður viðgjørt sum drápsroynd, og ein sjónarváttur sigur seg hava sæð eitt fólk renna frá moskuni, sum eitt somaliskt felag eigur. 50 fólk vóru í moskuni, tá eldur kom í.

Magnus Ranstorp, granskari í yvirgangsmálum á Verjuháskúlanum í Stokkhólmi, sigur, at tað kunnu vera víðgongd á høgraveingi, sum hava sett eld á, men talan kann eisini verða um eitt stríð millum sunni- og shiamuslimar, ella kurdar og sunnimuslimar.

Sambært svenskum miðlum fekk eingin álvarsligan skaða av eldinum í moskuni í Eskilstuna í gjár, men fimm fólk hava verið til viðgerðar.

Í meðal hevur verið søkt at moskum í Svøríki eina ferð um mánaðin hetta seinasta árið.