Hví doyði ST-aðalaskrivarin Dag Hammarskjøld

ST heitir á allar tjóðir, sum hava upplýsingar í málinum, um at kunngera tær. Hetta skrivar svenska tíðindastovan, TT.

Seinastu árini eru nýggj prógv komin undan kavi, sum vísa, at kanska varð ein brotsgerð framd, tá flogfarið við Dag Hammarskjøld datt niður.

ST-aðalfundurin samtykti einmælt, at serfrøðingar skulu kanna nýggju upplýsingarnar og prógvini í málinum.

Dag Hammarskjøld doyði, tá flogfarið, hann var við, datt niður í fyrrverandi bretska hjálandinum Norðurrhodesia, sum nú er Sambia í 1961. Vanlukkan kravdi 16 mannalív. 56 ára gamli Hammarskjøld var á veg til friðartingingar í Kongo, tá flogfarið datt niður.

Fyrstu kanningarnar vístu, at eitt mistak, sum flogskiparin gjørdi, var atvoldin til flogvanlukkuna. Men onnur halda, at leiguhermenn skutu flogfarið niður, tí Hammarskjøld styðjaði nýggju stjórnina í Kongo. 

Í fjør segði ein nevnd, sum løgfrøðingar mannaðu, at grundarlag var fyri at endurskoða umstøðurnar í sambandi við, at flogfarið við Dag Hammarskjøld datt niður.