Avvarðandi fáa pengar

Peningurin er tó ikki tekin um, at Air Asia hevur staðfest, at øll ferðafólkini eru deyð, stendur í einum brævi til tey avvarðandi, sambært CNN.

Flogfarið var heilt, tá tað datt niður

Vrakpetti og líkini, sum eru funnin, benda á, at flogfarið var heilt, tá tað datt niður, skrivar Reuters.

BBC skrivar, at tað stendur eisini teimum avvarðandi at koma út á leiðina, har hildið verður, at flogfarið datt niður, at leggja blómur. 

Flogfarið hvarv, tá tað var á veg úr Indonesia til Singapore. Nú verður dentur lagdur á finna vrakið á havsins botni og svørtu kassarnar.

37 lík funnin 

Stór vrakpetti eru staðfest 30-50 metra dýpi út fyri strondini á Borneo. Higartil eru 37 lík funnin. 

Flogfør og skip úr nógvum londum, og kavarar úr Russlandi og Indonesia eru við í leitingini. 

Samstundis eru myndugleikarnir farnir at kanna flogfelagið Air Asia. Síðani vanlukkuna er komið undan kavi, at felagið hevði ikki loyvi at flúgva sunnudag. Indonesiska flutningsmálaráðið fer nú at kanna allar flogleiðir hjá Air Asia.