Semja um lønarhækkingar á Posta og Føroya Tele

Beint fyri døgurða í dag skrivaðu Føroya Arbeiðsgevarafelag og Starvsmannafelagið undir nýggjar sáttmálar fyri Posta og Føroya Tele. 
Sáttmálarnir eru galdandi frá 1.januar í ár til 1.januar 2017. 
Lønarhækkingin er 1,98 prosent 1.januar í ár og 2,25 prosent 1.januar næsta ár. 
Hetta er tað sama sum Føroya Arbeiðsgevarafelag hevur latið limunum í fakfeløgunum á privata arbeiðsmarknaðinum.
Partarnir undirskrivaðu eisini avtalu um fráboðanarfreist í sambandi við arbeiðssteðg.