Boko Haram burturflutt 20 fólk

Hendingin fór fram sunnudagin, og síðani tá, eru hini átta fólkini latin leys, sigur ein maður í økinum, hvørs kona varð burturflutt. Grannalondini hjá Nigeria hava sett í verk móttiltøk móti Boko Haram, - ein økisher, og tað hevur fingið Boko Haram til at fremja fleiri álop hinumegin nigeriska markið.

Í gjár brast ein bilbuma í býnum Diffa í Niger, ikki langt frá nigeriska markinum. Hetta er triðja álop á Diffa í fýra dagar.

Boko Haram leyp á eitt fongsul í býnum bara fáar tímar eftir at bilbumban brast, - og stutt undan, at tjóðartingið í Niger skuldi góðkenna átøk móti Boko Haram. Niger, Tjad, Cameroun, Benin og Nigeria samdust um vikuskiftið at seta á stovn ein økisher við 8.750 monnum, sum skal niðurberja uppreistrarmenn úr islamist-felagsskapinum, Boko Haram. 

Um vikuskifti avgjørdi Nigeria at útseta forsetavalið í seks vikur. Valið skuldi eftir æltan skuldi vera næsta leygardag. Orsøkin er hóttanir frá Boko Haram, skrivar Ritzau.