Vónar at fáa pensjónsnýskipan fyri tingið í vár

Pensjónsnýskipanin verður ikki millum málini, sum landsstýrið fer at leggja fyri løgtingið í næstu viku.

Men Annika Olsen, landsstýriskvinna, vónar kortini, at til ber at leggja pensjónsuppskotini fram í vár við undirskriftunum hjá 17 tingfólkum.

Pensjónsbólkurin, har sum bæði samgongan og andstøðan eru við, hevur fund hvørja viku, men enn er ikki komið á mál.

Bólkurin hevur fingið framrokningar og onnur tøl frá serfrøðingum og stovnum, tøl, sum millum annað siga, hvussu nógvir fólkapensjónistar verða í Føroyum í framtíðini.

Annika Olsen ásannar, at um ikki ber til at fáa pensjónsmálið í løgtingið, áðrenn tingið fer til hús í vár, eru útlitini fyri, at málið kemur í hesum valskeiðinumi ikki so góð.