Navn sett á hann: »Jihadi John« avdúkaður

Navnið á tí sonevnda Jihadi John hevur higartil verið hildið loyniligt við atliti at kanningararbeiðinum hetta seinasta hálva árið.

Mohammed Emwazi, ið hevur hálshøgt fleiri vesturlendingar fyri yvirgangsfelagsskapin Islamiskan Stat, varð føddur í Kuwait, men vaks upp í London, sambært BBC.

Longu tá fyrsta sjónbandið, har Jihadi John hálshøgdi ein tíðindamann, varð kunngjørt á netinum, var illgruni um at hann var bretskur, tá hann hoyrdist tosa.

Greinin heldur fram niðanfyri

New div after blockquote

IS militant "Jihadi John", named as Mohammed Emwazi, was known to British security services http://t.co/Ec9bflMxbn pic.twitter.com/r7vDDVLQ1y

— BBC Breaking News (@BBCBreaking) February 26, 2015

Fyrstu ferð, Jihadi John sást á sjónbandi, var í august 2014, tá ið hann hálshøgdi amerikanska tíðindamannin, James Foley. Seinni sást upptøkan á internetinum.

Hildið verður, at hann eisini var við til at hálshøgga onnur tíðindafólk, tveir heilsuhjálparar og ein hýruvognsførarara, eftir at hann meldaði seg í Islamskan Stat.

Fyrr í februar sást Jihadi John eisini í eini sjónbandsupptøku, tá ið ein japanskur tíðindamaður varð hálshøgdur, og eisini tær upptøkurnar vórðu lagdar út á netið.