Óli stórspælandi í fyrsta bronsudystinum

Óli Mittún vísti satt stórspæl, tá GOG vann stórsigur á Mors-Thy í fyrsta bronusdystinum í bestu donsku hondbóltsdeildini.

Føroyski bakspælarin skoraði sjey mál upp á sjey skotroyndir og legði upp til heili átta mál í 38-31 sigrinum á heimavølli í Svendborg.

Hósdagin spæla liðini aftur, og um GOG vinnur á útivølli hevur Óli Mittún vunnu donsku bronsuna í sínum fyrsta kappingarári við fjónliðnum.

20260531-175553-l-6115x3917ma.jpg

Frítekst tagging: 

Ítróttur

Hondbóltur

Jóhan á Plógv Hansen

Niklas Landin

Jóhan misnýtti avgerandi brotskast

Í fyrstu finaluni um danska meistaraheitið spældu Skanderborg-Aarhus við Jóhan á Plógv Hansen á liðnum ímóti favorittunum úr Aalborg.

Aalborg hevði heimavøll í fyrsta dystinum, men SAH trýsti favorittarnar allan vegin. Føroyingurin hevði enntá kjansin at javna til 30-30 fyri útiliðið, tá tíðin var farin, men Niklas Landin bjargaði brotskastinum frá vonginum.

 - Tað er sera keðiligt, at eg brenni, og eg hevði vilja skotið tað umaftur, men soleiðis er hatta. Nú skulu vit spæla ímóti teimum á heimavølli, og spæla vit, sum vit gjørdu í dag, vænti eg, at tað verður gott, segði Jóhan á Plógv Hansen við TV 2 Sport.

Annar finaludysturin verður hóskvøldið.