Havnin fekk 54 mió. kr. meiri í skatti enn væntað

Tórshavnar kommuna fekk 700 milliónir krónur í skatti í fjør. 

Í fíggjarætlanini fyri 2014 varð roknað við knappliga 647 milliónum í skatti, 13 milliónum meira enn í 2013.

Men í gjár kunngjørdi Heðin Mortensen, borgarstjóri, at nú er staðfest, at skattainntøkurnar í 2014 eru 53,7 milliónir størri enn mett var í fíggjarætlanini. 

Fólkatalið í Tórshavnar kommunu vaks eisini í 2014. Tað fór upp um 20.000. Tann 31.desember í fjør vóru 20.248 fólk skrásett í Tórshavnar kommunu, 310 fleiri enn 1.januar. Fólkatalið vaks 1,6 prosent.