Mayweather vann aldarinnar nevaleik

Áðrenn sjálvan nevaleikin í nátt varð leikurin kallaður aldarinnar nevaleikur, og varð lýstur sum størsti nevaleikurin síðani Mike Tyson og Evander Holyfield brustu saman mitt í nítiárunum.

Dómararnir máttu avgera dystin eftir øll umførini og teir vóru tó ikki í iva. Allir mettu, at Mayweather stóð seg betri, og vann hann nevaleikin 118-110, 116-112 og 116-112.

Sostatt hevur Mayweather nú vunnið WBO, WBC og WBA í nevaleiki, og er ósigraður í síni professionellari lívsleið, ið strekkir yvir 19 ár og 48 mótstøðumenn.