Varðhaldsfongslaðir fyri at selja hassj í húsum í Havn

Tveir menn miðskeiðis í tjúgunum blivu varðhaldsfongslaðir fríggjadagin, skuldsettir fyri at selja hassj í einum húsum í Havn.

Varðhaldsfongslingin er fýra vikur.

Annar maðurin játtar seg sekan.

Politiið fór á staðið hóskvøldið og fann har 6,5 kilo av hassji og nakrar og 40.000 krónur.

Hildið verður, at menninir hava selt meira enn 6,5 kilo av hassji.

Ein fráboðan gjørdi, at politiið fór á staðið.