Turkar raðfesta ikki ES-limaskap

Turkiski forsetin, Recep Tayyip Erdogan, sigur við Al Jazeera, at turkiskur limaskapur í ES verður ikki raðfestur høgt.

Tað hava fyrr verið samráðingar millum ES og Turkaland um limaskap, men steðgur hevur verið í samráðingunum síðani 2018, fyrst og fremst tí ES metir, at Turkaland hevur førkað seg meira burtur frá teimum virðunum, sum ES stendur fyri.

Kvettroynd

Ein miseydnað kvettroynd í 2016, sum endaði við, at Erdogan fór harðliga fram móti andstøðuni, gjørdi eisini sítt til at tarna samráðingunum tá.

Erdogan sigur við Al Jazeera, at turkiska stjórnin hevur kortini hurðina á gloppi fyri ES-limaskapi, men leggur aftrat, at vil ES ikki hava Turkaland sum lim, verður ES taparin.

Turkaland er limur í NATO, og hevur størsta her í NATO eftir USA. Turkaland hevur eisini herfyri gjørt eina felags verjuavtalu við Saudiarabia og Pakistan.