Djóralækni: Tað er vánalig djóravælferð at geva goyggjandi hundum stoyt

Fleiri vilja hava bilbugt við at goyggjandi hundar. 

Ein máti er at geva hundinum eitt hálsband, sum gevur stoyt, tá hundurin goyr.

"Tað svarar til at straffa børn við at rista í tey ella at sláa tey ," sigur Kristina Dahl Joensen, djóralækni. 

Kristina Dahl Joensen, djóralækni, mælir staðiliga frá at brúka hálsbond, ið geva goyggjandi hundum stoyt (Mynd: Bjarki Thomsen)
 

 

Stórur eftirspurningur

Men kortini er loysnin við hálsbondunum, ið geva stoyt, ein loysn, sum fleiri leita sær til.

"Tað er fleiri ferðir um vikuna, at vit vera spurd um tað," sigur Grækaris Fernandez Heinesen, sølufólk í Djórahandlinum og Akvariubúðini. 

Eftirspurningurin er so stórur, at handilin nú hevur skrivað út á sosialar miðlar fyri at undirstrikað, at tey ikki selja hálsbondini.

 

 

Ólógligt í Danmark

Umframt hálsbond, sum geva stoyt, eru eisini onnur sløg av hálsbondum á marknaðinum. 

"Tað eru eisini sproytihálsbond," sigur , sølufólk í Djórahandlinum og Akvariubúðini. 

Hundahálsbond, sum geva stoyt frá sær, eru bannað við lóg í Danmark, men einki er í føroyskari lóggávu, ið beinleiðis forbjóðar tílíkum hálsbondum.

 

Grækaris Fernandez Heinesen, sølufólk (Mynd: Bjarki Thomsen)