»King of blues« deyður

Ein tann størsta røddin innan bluestónleikin er tagnað. B.B. King, ið vanliga varð nevndur King of the blues, doyði hóskvøldið, skriva útlendskir miðlar.

Riley B. King, ið var hansara kristna navn, varð føddur í Mississippi í 1925. Foreldrini hjá B.B. King vóru úr fátækari bóndafamilju.

Greinin heldur fram niðanfyri

MORE: Blues legend B.B. King, whose style set standard for generations of musicians, dies at 89: http://t.co/QHn3NHSWUC

— The Associated Press (@AP) May 15, 2015

Longu sum tannáringur fekk B.B. King áhuga fyri tónleikinum og fór at spæla undir eyknevninum Blues Boy, haðani styttingin B.B. stavar.

B.B. King kunngjørdi fyri tveimum vikum síðani, at hann ikki longur kláraði seg sjálvan, og tí fekk heimahjálp. Samstundis steðgaðu konsertferðirnar hjá honum.

Tilsamans gav B.B. King út fleiri enn 50 tónleikaútgávur. Hann var mest viðurkendi bluestónleikarin við 15 Grammy heiðurslønum fyri sítt avrik innan bluestónleikin.