Bankarnir lata upp aftur mánadagin

Hesa tíðina hevur bara verið loyvt at taka út 60 evrur - 450 krónur um dagin í sjálvtøkum. 

Men nú arbeiðir stjórnin við at geva grikkum møguleika at spara saman upphæddirnar.

Ætlanin er, at grikkar skulu kunna savna saman upphæddina, sum loyvd er at taka út. Í staðin fyri at taka 60 evrur út, ber til at fáa 120 evrur eftir tveimum døgum og 180 evrur eftir trimum døgum og so framvegis.

- Hetta er uppskotið, sum vit arbeiða við, og vit halda, at tað tøkniliga letur seg gera, sigur varafíggjarmálaráðharrin, Dimitris Mardas, sambært Reuters.

Avgerðin um at lata upp bankarnar aftur, kemur eftir at griska parlamentið fríggjanáttina við avgjørdum meiriluta samtykti at seta í verk umfatanadi nýskipanir, sum skulu fáa landið í kreppu á beint aftur.

Hósdagin avgjørdi Evropiski Miðbankin at hækka lánið til Grikkaland við meira enn fimm miljardum krónum.

Tað var grikska stjórnin, sum upprunaliga gav boð um, at bankarnir skuldu verða stongdir frá 29. juni - eftir samráðingarnar millum Grikkaland og kreditorarnar um hjálparpakka slitnaðu.

Myndugleikarnir stúrdu fyri, at bankarnir fóru á húsagang, tí grikkar fóru at taka alar pengarnar úr bankunum.

Grikski keypsskálin hevur eisini verið stongdur í tríggjar vikur. Tað er tó enn ikki greitt, um hann letur upp aftur mánadagin.