Eingin barnamentanarheiðursløn latin í ár

Eingin barnamentanarheiðursløn latin í ár
Eingin heiðursløn verður latin fyri barnamentan, tá mentanarvirðislønir M.A. Jacobsens verða handaðar hósdagin
Eingin heiðursløn verður latin fyri barnamentan hósdagin, tá mentanarvirðislønir M.A. Jacobsens verða handaðar. Í fjør fekk Elin á Rógvi barnamentanarheiðurslønina
 
29.09.2015 - 08:03

Illa er statt við barnamentanini í Føroyum í ár. Í øllum førum fann nevndin fyri barnamentanarheiðurslønir hjá Tórshavnar býráði einki, sum hon heldur er vert at geva heiðursløn í ár.

Tí verður eingin heiðursløn latin fyri barnamentan hósdagin, tá mentanarvirðislønir M.A. Jacobsens verða handaðar.

Kunnu lata tvær heiðurslønir

Nevndin kann lata eina ella tvær heiðurslønir fyri barnamentan, og líka síðani heiðurslønin varð stovnað í 1977 er hon latin at kalla á hvørjum ári.

Í fjør fekk Elin á Rógvi barnamentanarheiðurslønina millum annað fyri bókina Áh Mamma og fyri sjónleikin Sangur í Mjørka, sum hon hon skrivaði við íblástri úr ritverkum hjá Hans Andriasi Djurhuus.

Tíggjar M.A. Jacobsens virðislønir verða latnar í ár, ein fyri fagrar bókmentir, ein fyri yrkisbókmentir og ein fyri mentanaravrik, og tað verður í Müllers Pakkhúsi klokkan fimm hósdagin.

 

Er kopiera
Nýggjastu sendingar í SV
Týsdag 3. juni
Veðrið
192798
Mánadag 2. juni
3-2 (2. juni 2025)
192752
Mánadag 2. juni
E4_4K_TIL_NET_v3 - teknmálstulkað
192735
Mánadag 2. juni
KAKUMiKS (3:7) - teknmálstulkað
192723