Fyrrverandi nevndarformaður av knóranum

Fyrrverandi nevndarformaðurin fyri Kaupthing Banka, Sigurður Einarsson, hevur heitt á býarrættin í Reykjavík, um at koyra hann á húsagang

Sigurður Einarsson, fyrrverandi nevndarformaður í Kaupthing Banka, hevur heitt á býarrættin í Reykjavík um at koyra seg á húsagang

Mynd: RUV

Sigrún H. Brend

Bjarni Mohr

30.09.2015 - 10:36

Tað váttar Sigurður Einarsson fyri íslendska dagblaðnum DV. Men formaðurin vil ikki siga nágreiniliga, hví hann er farin á húsagang, og hví tað hendir nústani.

Blaðið metir tó, at ein møgulig orsøk er, at avgerð hjá býarrættinum í Reykjavík í 2012, sum dømdi Sigurður sekan, - noyðir hann at rinda aftur umleið 500 miljónir íslendskar krónur.

SÍ EISINI Kollsigldur banki skyldar 30 milliónir í skatti

Tað svarar til 3,5 miljónir evrur pluss rentur, orsakað av persónligum lánum, sum hann tók í Kaupthing stutt undan, at bankin fór av knóranum. Lánini brúkti hann til at keypa partabrøv í sjálvum bankanum.

Sigurður Einarsson situr í løtuni í fongslinum í Kvíabryggju á suðurlandinum. Keldur hjá blaðnum siga, at bústjórar í løtuni kanna bankan fyri dómsvaldið.

Tað arbeiðið skal verða liðugt, áðrenn støða verður tikin til umsóknina frá fyrrverandi nevndarformanninum í bankanum, Sigurður Einarsson.