Fleiri løntakarar í Føroyum

Í eitt ár, frá 1. juli í fjør til 1. juli í ár, komu 616 løntakarar afturat í Føroyum. Vøksturin er hálvt triðja prosent, upplýsir Hagstovan.

Størsti vøksturin í prosentum er í byggivinnuni, 4,4 prosent. Í tali er størsti vøksturin í almennum tænastum, 257 fólk.

Í fiskivinnuni er at kalla eingin broyting og heldur ikki í alivinnuni. Stívliga 24.700 fólk eru á føroyska arbeiðsmarknaðinum.