Útlendsk flogfeløg áhugað í Íslandi

Nú hava flogfeløg í Spania og Tekkia boðað frá, at tey fara at flúgva til Keflavíkar næsta summar, skrivar check-in.dk

Eitt lágprísfelag hjá spanska flogfelagnum Iberia fer at flúgva millum Madrid og Keflavík tvær ferðir um vikuna frá 18. juni.

16. juni fer tjekkiska felagið CSA at flúgva millum Prag og Keflavík, eisini tvær ferðir um vikuna, skrivar Check-In á netinum.

SAS fer at flúgva til Íslands

Fyri stuttum boðaði SAS frá, at felagið fer at flúgva úr Keypmannahavn til Íslands hvønn dag frá mars næsta ár. Sunnudagin byrjaði British Airways flúgving millum Heathrow og Keflavik.

Ætlanin er at flúgva alt árið. Um summarið flúgva 14 flogfeløg millum Keflavík og onnur lond. Men nøkur flogfeløg flúgva alt árið, so sum Norwegian, easyJet og Flybe.

Og næsta summar fer amerikanska Delta Air Lines at flúgva sjey ferðir um vikuna í staðin fyri fimm millum Keflavík og New York.