Kanning avdúkar umfatandi svik við kjøti í Evropa

Fólk fáa ikki tað, tey gjalda fyri. Tað er greiða niðurstøðan í nýggjari kanning, har myndugleikarnir í sjey ES-londum kannaðu kjøt, ið verður selt til matna.

Kanningarnar avdúka, at tað framvegis í stóran mun verður svikað við kjøti í Evropa, skrivar tíðindastovan Ritzau. Svikað verður tó ikki í Danmark, sambært kanningini.

Kanningin avdúkar, at tað oftani er minni kjøt og meira vatn í kjøtinum, enn tað sum stendur á vørumerkingini, í teimum sjey londunum.

Helvtin av matstovunum snýttu

Í nýggju kanningini vórðu millum annað 60 matstovur í London og Birmingham kannaðar fyri at svika við kjøti, sambært bretska brúkaraumboðnum.

24 av teimum 60 matstovunum høvdu blandað oksa- og høsnakjøt uppí, hóast kjøtið varð selt sum lambskjøt. Í sjey førum var als einki lambskjøt í kjøtinum.

Matvørumyndugleikarnir í Evropa krevja nú, at tiltøk verða sett í verk, ið skulu tryggja rættindi hjá brúkarunum, so brúkararnir fáa tað, teir halda seg gjalda fyri.