Framvegis eingin semja

Strandarlondini hava samráðst alla vikuna, men sambært Morgunblaðnum í morgun samdust londini ikki um tey bæði uppsjóvarfiskasløgini.

Russland og Grønland vóru ikki við í samráðingunum í Reykjavík. Morgunblaðið skrivar ikki, nær næsta samráðingarumfar verður.

Langt millum partarnar enn

Við FiskeriBladet Fiskaren sigur norski samráðingarleiðarin Sigrunn Holst, at langt er millum partarnar enn. Hon sigur, at ætlanin var at hava nýggjar samráðingar nú í november.

Men nógvar samráðingar eru eftir um onnur fiskiveiði-rættindi, so ivasamt er, nær strandarlondini hittast aftur.

Um tvær vikur vera samráðingar um makrel, um tey 15,6 prosentini, sum Føroyar, Noreg og ES siga, at Russland, Ísland og Grønland eiga, og um fiskiskapin í altjóða sjógvi í Smoguni.