Maður innlagdur eftir gassspreinging

Maðurin var staddur inni í einum úthúsi, har hann skuldi svíða nakrar gæs. Helst er brennarin ikki settur rætt á gassfløskuna, og gass er tí spakuliga likið úr fløskuni.

Brádliga hendi ein minni gassspreinging og maðurin brendi seg illa um armin og í andlitið, verður upplýst á politistøðini í Havn.

Maðurin var fluttur á Landssjúkrahúsið til viðgerðar, sigur Kristjan Martin Joensen, vaktleiðari á politistøðini í Havn.