Sett 170 milliónir í Vivino

Fyritøkan Vivino hjá Heina Zachariassen, sum hevur høvuðssæti í San Francisco, hevur fingið risastóra kapitalinnspræning - meira enn 170 milliónir krónur.

Vivino er heimsins størsta vín-app við 13 miljónum brúkarum í 228 londum. Í løtuni leggjast heili 25.000 brúkarar aftur at á hvørjum degi, sigur stjórin við Kringvarpið.

Tað var í 2010 at Heini Zachariassen saman við Theis Søndergaard fór undir at gera appina Vivino, sum síðani hevur havt øgiligan viðvind. 

Fyritøkan hevur eini 50 fólk í starvi á deildum í Danmark, Ukraina og í San Francisco í California.

Aftan fyri stóru nýggju íløguna stendur belgiski ríkmaðurin, Christophe Navarre, sum er víðagitin í vín-heiminum m.a. fyri at eiga fínastu Champagne-merkini.

(greinin heldur fram niðanfyri)

Christophe Navarre (mitt í myndini) hevur sprænt 25 milj. dollarar - uml 170 milj. kr, í Vivino

Vit hava eina longri samrøðu við Heina Zachariassen í tíðindasendingini klokkan 18.