Dani dottin oman av Ukkusissat

Hesum boðar politiið í Nuuk frá í tíðindaskrivi. Politiið fekk fráboðan um vanlukkuna seinnapartin í gjár, og sløkkiliðið í Nuuk, politiið og tyrlan hjá sjóverjuskipinum Thetis fóru beinanvegin at leita eftir manninum. 

Vælumtókta ferðamálið, fjallið Ukkusissat, ella Stóra Malena við Nuuk í Grønlandi, sum fleiri føroyingar hava vitjað, er ikki heilt vandaleyst at ferðast á. 

57 ára gamli maðurin varð seinni funnin lívleysur longri niðri í fjallalíðini. Læknin hjá bjargingarliðnum kundi beinanvegin staðfesta, at maðurin doyði av løstunum frá fallinum av fjallinum, sigur politiið. Enn er ógreitt, hví maðurin datt og hvat hendi á fjallinum í gjár.

Tey avvarðandi eru ikki kunnað um vanlukkuna, og tí vil politiið ikki siga meira um tilburðin enn.

Stóra Malena er 772 metrar til hæddar.