Fáar kommunur hava viðurskiftini í lagi

11.03.2016 - 08:07
AktueltHeilsa
Fáar kommunur hava viðurskiftini í lagi
Bara fýra av teimum 30 kommununum í Føroyum hava hildið tíðarfreistina, sum er ásett í frárensluvatnskunngerðini
Bara fýra av 30 kommunum hava hildið tíðarfreistina og hava fingið frárensluvatnsviðurskiftini í rættlag. Ein av kommunum er Tórshavnar kommuna, sum ikki veit, nær viðurskiftini í kommununi eru í lagi
 

Bara fýra av 30 kommunum hava hildið tíðarfreistina og hava fingið frárensluvatnsviðurskiftini í rættlag. Tær eru Eiðis, Fámjins, Hovs og Skálavíkar kommunur.

Tað vísir uppgerð hjá Umhvørvisstovuni. Í 2009 kom kunngerðin um frárensluvatn í gildi. Kunngerðin álegði øllum kommunum at gera frárensluvatnsætlan. Arbeiðið skuldi verða liðugt í 2015.

Hóast bara fýra kommunur eru lidnar, sæst tó, at tað gongur rætta vegin hjá flest øllum kommunum. Innan fimm ár skuldi talið av kommunum, ið eru lidnar, verið komið upp á 19.

Hava ikki fíggjarligu orkuna

Tað eru nógvar ymiskar grundir til, at fleiri kommunur ikki eru lidnar enn. Hjá teimum allar flestu er grundin tvørrandi fíggjarlig orka.

Kommunurnar í Fuglafirði, Fugloy, Kunoy, Strondum, Sumba og Viðareiði siga, at frárensluviðurskiftini eru komin í rættlag í 2016.

Hvalbiar, Hvannasunds, Kvívíkar, Sunda kommunur verða lidnar í 2017 og Eystur- og Skúvoyar kommunur í 2018, Porkeris og Sands í 2020, Klaksvíkar kommuna í 2021, Húsavíkar og Nes í 2025, sum er 10 ár eftir freistina.

Fleiri kommunur seta ikki árstal á

Runavíkar kommuna fær viðurskiftini í rættlag í 2028, men hvørki Húsa, Skopunar, Sørvágs, Vestmanna, Vága, Vágs, Tvøroyrar ella Tórshavnar kommunur vita, nær teirra frárensluvatnsskipan verður liðug, skrivar Umhvørvisstovan.

Tórshavnar kommuna hevur fingið næstan allar útleiðingar í rættlag. Økini, ið eru eftir, eru flest øll projekterað, men eru ikki sett í gongd.

Orsøkin er, at kommunan ikki hevur sett nóg nógvan pening av til sum ætlað. Tað fara helst at ganga eini 10 ár, áðrenn kommunan verður liðug, upplýsir Umhvørvisstovan.

Viðurskiftini við rottangum ikki í lagi

Vestmanna, Tvøroyrar og Vágs kommunur hava gjørt lítið seinastu árini á frárensluvatnsøkinum, skrivar Umhvørvisstovan á heimasíðuni, us.fo

Sum dømi nevnir Umhvørvisstovan, at enn mangla 21 hús rottanga (spetiktanga) í Vestmanna kommunu, og í Vágs kommunu mangla umleið 40 hús rottanga.

Orsøkin er, at hesar kommunur hava raðfest onnur øki fram um frárensluvatnssøkið spillivatnsøkið, sigur Umhvørvisstovan.

 
Nýggjastu sendingar í ÚV
Leygardag 23. januar
Ein váðafull bumbuferð
118473
Leygardag 23. januar
Jambalaja 230121
119338
Leygardag 23. januar
Hetta heilaga Evangeliið skrivar.
119317
Leygardag 23. januar
Morgunlesturin leygarmorgunin 23. januar 2021
119024
Fríggjadag 22. januar
Nón 22. januar 2021
119297
Nýggjastu sendingar í SV
Fríggjadag 22. januar
Lyst 34
119191
Hósdag 21. januar
Millum heimsins bestu bodybuildarar
119256
Mikudag 20. januar
Jørðin II 1 - Oyggjar
119181
Mánadag 18. januar
3-2
119108