Nú eru pengar til gongubreytina

Nú verður gongubreytin við Gøtugjógv gjørd av nýggjum.

Landsverk hevur boðið út arbeiðið at endurnýggja gongubreytina fram við landsvegnum við Gøtugjógv, úr Syðrugøtu til Norðragøtu. 

Pengar vóru ikki til gongubreytina, tá vegurin var asfalteraður í 2023.

Hon er tí lægri enn vegurin. Hetta halda nógv er vandamikið hjá teimum, sum brúka gongubreytina. 

Landsverk vil hava tilboðini í seinasta lagi 19. juni.

Veitingardagurin er 15. oktober.

1. desember í 2023 segði Per Martin Gregersen, borgarstjóri, at Eysturkommuna var sinnað at yvirtaka veg og gongubreyt við Gøtugjógv.