Russland riggar av í Sýria

Russland fer í dag undir at taka herdeildir sínar úr Syria, nú fimm ár eru liðin, síðan borgarakríggið í Sýria brast á

Russisk bumbuflogfør á hernaðarstøðini í Hmeimin í Latakia-landslutinum í útnyrðingspartinum av Sýria. Russland tekur nú herdeildirnar í Sýria aftur

Mynd: AP

Sigrún H. Brend

Bjarni Mohr

15.03.2016 - 11:38

Tað boðar russiski forsetin, Vladimir Putin, frá sambært tíðindastovuni Tass. Fyrstu hernaðarakførini eru longu á veg úr landinum.

Putin sigur, at Russland í høvuðsheitinum hevur fullført sín gerning í Sýria. Putin hevur boðað sýriska forsetanum, Bashar al-Assad, frá ætlanini um afturtøkuna úr tí krígsherjaða landinum.

Greinin heldur fram niðanfyri

Latest on Syria talks: 1st group of Russian warplanes leave Russia's base in Syria, Russian defense ministry says https://t.co/ir8mq3boBS
— The Associated Press (@AP) March 15, 2016

Russland tók seg í fjør inn í Sýria við stríðsflogførum, og tað broytti valdsbýtið í landinum munandi, har Assad var undir stórum trýsti.

Fleiri lond funnust at harðligu framferðini og hørðu bumbuálopunum hjá russum, tí fleiri sivilfólk lótu lív. Fólk í túsundatali flýggja har norðuri í Sýria, har russisk stríðsflogfør og stjórnarflogfør hjá Assad forseta áhaldandi hava bumbað.

- At Russland tekur sínar herdeildir aftur, ber boð um, at friðarsamráðingarnar eru farnar í gongd av álvara. Annars høvdu russar neyvan farið úr Sýria, sigur Sune Haugbølle, lektari á lærda háskúlanum í Roskilde, við DR.