IS tikið ábyrgd fyri sjálvmorðsbumbu í Jemen

Islamskur statur - ella IS - hevur tikið ábyrgdina av eini sjálvmorðsbumbu, sum í gjár kravdi 31 mannalív í havnarbýnum Mukalla í Jemen.

Teir 31, sum lótu lív, vóru allir í venjing sum løgreglumenn, og afturat teimum deyðu, eru minst 60 onnur løstað.

Drúgt borgarakríggj

Vápnað stríð hevur í meiri enn fimm ár valdað í Jemen, tí fleiri bólkar kríggjast um at stýra pørtum av landinum.

Borgarakríggið í Jemen hevur syndrað stórar partur av landinum, og onga aðrastaðni í heiminum hava so nógv fólk verið noydd at rýma frá húsi og heimi sum í Jemen.

Av teimum 24 milliónunum, sum búgva í landinum, eru omanfyri tvær milliónir flóttafólk í egnum landi.