Føroyingar vunnið øðrvísi ítróttakapping í Danmark

Tey tíðindini ber in.fo. Talan er um kappingina Ninja Warrior, sum verður send á donsku sjónvarpsrásini Kanal 5. Teir tríggir føroyingarnir eru Birita Poulsen, sum vit vanliga seta í samband við fimleik, Øssur Debes Eiriksfoss, sum eisini hevur íðkað fimleik og frælsan ítrótt, og so Janus Jakobsen, sum er føroyameistari í kurvabólti.

Kappingin er skipað sum eitt slag av forðarenning við ógvuliga ymiskum og øðrvísi avbjóðingum. Heimsins harðasta forðabreyt, kalla fólkini handan Ninja Warrior kappingina.

Tilsamans 24 lið vóru við í kappingini, sum føroyska liðið altso vann. Og Ninja Warrior-kappingin við Biritu Poulsen, Øssur Debes Eiriksfoss og Janus Jakobsen verður víst á Kanal 5 í september.

Mynd: Birita, Janus og Øssur í samrøðu við Christiane Schaumburg-Müller, sum er vertur í sendingini (Mynd: Joana Lauritsen)