Kina hevur góðkent veðurlagsavtaluna

Tað er greitt, nú G20 londini hittast á fundi í býnum Hangzhou í Kina, at bæði Kina og USA fara at góðkenna veðurlagsavtaluna, sum varð gjørd í París í fjør. 

Bæði kinesiski forsetin, Xi Jinping, og amerikanski forsetin, Barack Obama, høvdu undirskrivað skjøl við, tá teir møttu upp á fundinum.

ST-aðalskrivarin, Ban Ki-Moon, sigur, at hann fer at bjóða stjórnarleiðarum til New York í USA fyri at fáa veðurlagsavtaluna formliga góðkenda. Hann væntar, at avtalan kann verða sett í verk seinast í hesum árinum.