Forsetavalið í Eysturríki útsett

- Vit fara at heita á tjóðartingið um at góðkenna, at valið verður útsett til annaðhvørt 27. november ella 4. desember, sigur Wolfgang Sobotka, innanríkisráðharri.

Í farnu viku segði Sobotka, at hann kannaði møguleikan at flyta valið. Síðani vísti tað seg, at límið, sum innsiglar valbrævið, var ov vánaligt, og tí kundi borið til at býta um atkvøður.

SÍ EISINI Valið ógildað: Nýtt forsetaval í Eysturríki

Forsetaval var annars í Eysturríki í mai í ár. Tá vann Alexander Van der Bellen, fyrrverandi formaður fyri Grøna flokkinum, tepran sigur á høgrapolitikkaranum, Norbert Hofer.

Men valið í Eysturríki í mai varð ógildað, tí skuldsetingar vóru um, at alt fór ikki rætt fram undir uppteljingini.