Løgreglan leitar eftir harðskapsmanni

Harðskapur var í miðbýnum í Havn í nátt.

Klokkan hálvgum eitt fekk løgreglan fráboðan um, at ein maður hevði sligið ein annan uttanfyri sonevnda Káta Hornið.

Maðurin fekk fimm sløg, sum sambært vitni, vóru ógrundað, sigur vakthavandi løgregluni í Havn. Eftir tilburðin var álopni maðurin fluttur á Landssjúkrahúsið.

Løgreglan hevur verið heima hjá manninum, sum sló, og sum er sera væl kendur hjá løgregluni; men hann var ikki heima.

Løgreglan ætlar sær tí at leita eftir manninum í dag.