Haiti er meint rakt av ódnini

Haiti er meint rakt av ódnini
Enn eru støð, har eingin hjálp er komin, og væntað verður, at fleiri eru deyð enn tey 800, sum higartil eru funnin
 
08.10.2016 - 14:02

Á Haiti eru fleiri enn 800 fólk deyð í ódnini Matthew, og tað kann taka fleiri dagar at fáa yvirlit yvir, hvussu álvarslig støðan er, sigur ST.

Talið á deyðum kann gerast uppaftur størri, so hvørt bjargingarlið koma til teir sunnaru landspartarnar, sum hava verið avbyrgdir - hart raktir av ódnarveðrinum. Til summar býir slepst bert við báti ella tyrlu, verður sagt.

Í einum av stóru býunum har suðuri - Jeremie - eru 80 prosent av húsunum javnaði við jørðina, vísa loftmyndir.

Stjórnin á Haiti og umboð fyri ST halda, at 350.000 fólk hava brúk fyri neyðhjálp.

USA hevur sent herskip og tyrlur

USA hevur sent eitt herskip at hjálpa til við bjargingararbeiðinum og níggju hernaðartyrlur er sendar at føra vatn og mat til tey ringast raktu støðini.

Reyði Krossur heitir á lond um at lata 50 milliónir krónur, so felagsskapurin verður førur fyri at veita heilivág, vatn og skýli til 50.000 fólk.

Haiti er eitt av heimsins fátækastu londum, og skaðin nú kemur omaná harða jarðskjálvtan í 2010, har fólk í túsundatali doyðu av sjálvum jarðskjálvtanum ella av kolera-umfarssóttini, ið kom aftaná.

Ódnin er nú á veg upp eftir eysturstrond Florida, hon hevur mist nakað av megini, men er framavegis vandamikil, verður sagt. Meira enn ein hálv millión fólk í Florida hava mist streymin, og tríggjar milliónir fólk fingu, áðrenn ódnin kom, boð um at flyta frá húsi og heimi.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592