Túsundtals fólk fáa rokning

Fólkini fáa nú eina eftirlønaruppgerð fyri 2015, og seinni fáa tey eisini eina rokning sendandi frá stovninum, sigur TAKS á heimasíðuni.

Tey flestu, sum nú fáa eftirlønaruppgerð sendandi frá TAKS, hava havt eina B-inntøku, sum tey ikki hava goldið eftirløn av.

SÍ EISINI Túsundtals føroyingar goldið ov lítið í eftirløn

Talan kann eitt nú vera um inntøku úr útlandi, av egnum virki ella frá húsaleigu. Í 2015 skuldu tvey prosent av allari inntøku gjaldast í eftirløn.

Rokning verður send út seinni í hesum mánaðinum, og peningurin skal gjaldast áðrenn 1. desember 2016, sigur stovnurin.

TAKS heldur so einum parti av peninginum aftur í eftirlønarskatti og flytur restina víðari á eftirlønarkontuna hjá borgaranum sambært TAKS.