CIA kunnger 13 milliónir skjøl

13.000.000 skjøl eru kunngjørd á netinum í kjalarvørrinum á einum drúgvum rættarmáli móti amerikonsku fregnartænastuni, CIA, skrivar BBC.

Tað er ein áhugabólkur, ið eitur MuckRock, sum gjørdi at av at royna málið í rættinum. Nú er avgerðin fallin, og skjølini kunngjørd á netinum.

Tað tók áhugabólkinum meira enn tvey ár at fáa CIA at kunngera skjølini, sum bólkurin heldur, at almenningurin hevur rætt til at síggja.

Løgdu "óvanligt" trýst á

Skjølini umfata millum annað kunning um ymiskar kanningar, skjøl frá forkanningum, fráboðanir um flúgvandi borðiskar og sálarligar royndir, sum eru gjørdar.

Skjølini hava higartil verið goymd í einum savni, sum bara hevur verið opið fyri almenninginum hvønn dag frá klokkan 9 til 16:30.

Áhugabólkurin hevur vitjað savnið hvønn dag, útskrivað eitt og eitt skjal, fyri síðani at kunngera tey á internetinum fyri at leggja trýst á myndugleikarnar.

Leita í skjølunum her: CREST: 25-Year Program Archive