Vil tryggja grønlendingum arbeiðið

-  Vit kunnu ikki halda fram við at geva útlendskum fiskimonnum hýru við grønlendskum fiskiskipum. Kunngerðin um undantak at manna grønlendsk fiskiskip má strikast, sigur landsstýrismaðurin sambært Sermitsiaq.

Sambært kunngerðini, kunnu yvirmenn umborð á skipi, sum er meira enn 24 metrar langt, verða í minst lagi 60 prosent av manningini, sum er skrásett at búgva í Grønlandi, og hava búð í Grønlandi seinastu tvey árini. 

Hans Enoksen sigur, at nógv arbeiðsfør ungfólk eru, sum kundu fingið hýru umborð á fiskiskipum í landinum.

- Eg haldi, at fiskivinnan eigur at upplýsa um útbúgvingarmøguleikar innan fiskivinnuna, soleiðis at næmingar innan sjóvinnu kunnu mynstra umborð á grønlendsk fiskiskip eftir útbúgvingarlok, sigur Hans Enoksen, landsstýrismaður í fiskivinnumálum í Grønlandi, sambært Sermitisaq.