Gistingarhúsvinnan góðar dagar

Vøksturin var 600 gistingar, 0,4 prosent. Hann var bara hjá gistingarhúsunum. Onnur gisting hevði stóra afturgongd í fjør.

Airbnb er ikki við í hagtølunum, tí Hagstovan hevur ikki atgongd til upplýsingar um gistingar av tí slagnum.

Hagstovan sigur seg heldur hava ábendingar um, hvussu nógv hesin gistingarháttur vindur uppá seg og skeiklar myndina av gistingarvinnuni í Føroyum.

Í sambandi við 2015, tá sólarmyrkingin var, ger Hagstovan vart við, at skipini, sum komu til Føroya við ferðafólki, eru ikki við í hagtølunum, og heldur ikki fólkini, sum leigaðu sær innivist hjá húsarhaldum.