Nýggir nevndarlimir veljast

Tey eru Kim Jacobsen og Barbara Pállsdóttir Vang. Kim Jacobsen er dani, og hann hevur arbeitt í NordeaBank. Barbara Pállsdóttir Vang er løgfrøðingur og nevndarlimur í Íleggingargrunninum. 

Nevndin verður tí víðkað, tí bara ein nevndarlimur, Súsanna Poulsen, tekur ikki við afturvali. Stine Bosse, Rúni Vang Poulsen og Jógvan Jespersen hava boðað frá, at tey vilja halda fram í nevndini.

Umframt nevndarlimirnar, sum aðalfundurin velur, velja starvsfólk bankans tveir nevndarlimir.

Tað gevur eitt sindur at vera í nevndini hjá BankNordik. Forkvinnan, Stine Bosse, fær 600.000 kr. um árið. Næstformaðurin, Rúni Vang Poulsen, fær 400.000 kr. og hini í nevndini fáa 200.000 kr. í part um árið.

Á aðalfundinum 31. mars fer nevndin at skjóta upp, at vinningsbýtið í ár verður 300 milliónir krónur Tað eru 30 krónur fyri hvørt partabrævið á 20 krónur.