Hundraðtals kunnu missa pláturnar

Fleiri hundrað bilførarar eru í vanda fyri at missa nummarpláturnar á bilinum, tí teir ikki hava goldið vegskatt fyri fyrra hálvár í ár.

Akstovan lat í vikuni politistøðunum kring landið 416 mál um eftirstøður í vegskatti, skrivar Akstovan á heimasíðuni. 

Kann eigarin av akfarinum ikki prógva, at hann ella hon hevur goldið vegskatt, tekur politiið nummarpláturnar av akfarinum.