Føroyingur skaða í jarðskjálvta

Ein 20 ára gamal føroyingur hevur fingið skaða á griksku frítíðaroynni, Kos, tá jarðskjálvti rakti oynna í nátt. Tað upplýsir Uttanríkis- og vinnumálaráðið í tíðindaskrivi í morgun.

Maðurin er á sjúkrahúsi, men talan er ikki um álvarsligan skaða. Tað upplýsir Uttanríkisráðið í tíðindaskrivinum, ið júst er sent fjølmiðluinum. Avvarðandi hjá manninum eru kunnað.

Tvey deyð, fleiri hundrað skadd

Minst tvey fólk lótu lív á griksku frítíðaroynni, Kos, sum lá tætt við jarðskjálvtan, og fleiri 100 vórðu skadd á ymsum oyggjum, fleiri eru álvarsliga skadd.

Myndugleikarnir siga, at tann eini, sum er funnin deyður, er svii, meðan hin er úr Turkalandi. Økið verður nógv vitjað av útlendskum ferðafólkum í summarmánaðunum.

Nógv ferðafólk vórðu biðin um at fara úr gistingarhúsunum, og nógv gistu uttanfyri í nátt. Nógv fólk úr skandinavisku londunum eru bæði á Kos og á Rhodos, har skjálvtin eisini merktist.