Fartelefonir eiga ikki at fara lastina á flogførum

Fartelefonir eiga ikki at fara lastina á flogførum
Teldur og fartelefonir eiga at vera í hondviðførinum, og forboð eigur at verða sett fyri, at tær fara í innskrivaða viðførið, sum endar í lastini.
Teldur og fartelefonir eiga at fara í hondviðførið, siga flogferðslumyndugleikar
Mynd: Savnsmynd  
 
21.10.2017 - 16:40


Amerikansku flogferðslumyndugleikarnir vilja hava, at alheims forboð verður sett fyri, at teldur og fartelefonir eru í tí viðføri, sum verður innskrivað og fer í lastina á flogførunum.

Orsøkin er vandin fyri eldi, tí kanningar hava víst, at lithium-ion battaríini, sum verða brúkt í teldum og telefonum, kunnu gerast so heit, at eldur kemur í.

Vanligt er, at fólk hava teldu og telefon í hondviðførinum, men forboð eigur at vera sett fyri, at tólini eru í innskrivaða viðførinum fyri á tann hátt at tryggja lastarúmini í flogførunum móti eldi.

Vandin er serliga stórur, um annað eldfimt tilfar eisini er í viðførinum. Men í staðin fyri at seta forboð fyri øllum eldfimum, verður einans farið eftir battaríunum fyri at gera reglurnar einfaldari.

Vandin gjørdist sjónligur í fjør

Sjálvsagt er tað ikki gott heldur at hava teldur og telefonir í hondviðførinum, men tað er lættari hjá manningini at hava eygað við støðuni, um nakað er áfatt millum ferðafólkini, skriva amerikansku flogferðslu-myndugleikarnir í einum skjali, ið ikki er almannakunngjørt, men sum tó er komið út. 

Ynskið um forboð fyri lithium-ion battaríum í lastarúmum er lagt fyri ICAO - altjóða felagsskapin hjá ST fyri flogferðslu. Har er tað nú til viðgerðar, og har skal tað eisini samtykkjast, um forboðið skal setast í verk.

Vandin við lithium-ion battaríum gjørdist heilt ítøkiligur, tá fyritøkan Samsung sendi Galaxy Note 7 telefonina á marknaðin í fjør. 

Eitt brek hevði við sær, at battaríið kundi gerast so heitt, at eldur kom í, og tað hevði við sær, at flogfeløgini settu ferðafólkunum forboð fyri at hava telefonina við umborð

 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592