Mugabe skal fara frá sum forseti

Hevur Mugabe ikki tikið seg aftur sum forseti í morgin á middegi, verður ríkisrættarmál reist móti honum.

Tað sigur Patrick Chimawasa úr Zanu PF, sum er flokkurin, har Mugabe inn til í dag var formaður í.

Hetta veit tíðindastovan Reuters at siga.

Flokkurin boðar eisiin í dag frá, at fyrrverandi varaforsetin, Emmerson Mnangagwa, verður innstillaður sum forsetavalaevni hjá flokkinum. Somuleiðis er Mnangagwa róptur at vera nýggi leiðarin í flokkinum, Zanu PF.

Hesi boðini koma samstundis sum at forsetin er í samráðingum við herin, nú hann fer frá. Herurin tók valdið í landinum mikumorgunin.
Samstundis sum at forsetin bleiv koyrdur frá sum flokksformaður fyrr í dag, bleiv kona hansara, Grace Mugabe, og onnur í flokkinum, koyrd úr flokkinum.

Fleiri teirra, millum annað Grace Mugabe, kunnu rokna við at verða drigin í rættin.

Tann 93 ára gamli Robert Mugabe, sum hevur sitið við valdið síðani 1980, bleiv settur í sokallað húsavarðhald mikudagin.